ત્રિકાલ સંધ્યા

તમે ત્રણ વાતો રાખજો યાદ જીવનમાં લાવવા મીઠો સ્વાદ ! …તમે પ્રભુને સ્મરજો શ્વાસે શ્વાસ, સૂતાં ઊઠતાં જમતાં ખાસ જીવનમાં ગણજો પ્રભુનો પ્રસાદ ! …તમે પ્રભાતે ઊઠતાંની સંગાથ નીરખજો નિજનો જમણો હાથ સૂણજો ઋષિ - મુનિઓનો સાદ ! …તમે કરનાં મૂળમાં શારદા માત આંગળે લક્ષ્મી છે સાક્ષાત્ હથેળીએ હરિ સદા હૈયાત ! …તમે કાંડે બુદ્ધિ જ્ઞાન ઉપદેશ આંગળા કર્મ તણો સંદેશ હથેળીમાં ભક્તિનો છે નાદ ! …તમે ભોજન માનજો પ્રભુનો પ્રસાદ આવશે તેથી મીઠો સ્વાદ જમતાં કરજો કનૈયાને યાદ ! …તમે સૂતાં પહેલાં સ્મરજો રામ ઇશના ખોળે ખરો આરામ તન મન ધરજો પ્રભુને પાદ ! …તમે