તારી એક એક પલ જાય છે લાખની

ભક્તિ ખાંડા કેરી ધાર, નહીં કાયરનું કામ. તારી એક એક પળ જાય છે લાખની, તું તો માળા જપી લે મારા શ્યામની. જૂઠા જગના જૂઠા ખેલ મનવા મારું તારું મેલ, તું તો છોડી દેને ચિંતા આખા ગામની તું તો માળા જપી લે મારા શ્યામની. સાથે લાવ્યા શું લઈ જશો, જેવા આવ્યા તેવા જશો, જીવન ધન્ય બનાવો ભક્તિ ભાવથી… તું તો માળા જપી લે મારા શ્યામની. રાજા રંગીલા રણછોડ, મારા ચિતડાના ચોર, મેં તો મૂર્તિ જોઈ છે મારા શ્યામની રે.… તું તો માળા જપી લે મારા શ્યામની. ભક્તિ ખાંડા કેરી ધાર, નહીં ઉંઘણશીનું કામ, જેને લાગી રે લગન ભગવાનમાં તે તો સુખેથી ફરે છે આ સંસારમાં તું તો માળા રે જપી લે મારા શ્યામની.