નથી રે રહેવાની તારી કાયા દેખાવડી

નથી રે રહેવાની તારી કાયા દેખાવડી ને રુપના રખોપા નથી કામના. દુનિયામાં રહેશે તારા ઉજળા કરમના સંભારણા. માનવ-અવતારમાં તું તો જનમીયો ને કરવાને માનવતાના કામ રે, આ સંસારમાં હે.… એ રે ભૂલીને તું તો માયામાં મ્હાલતો ને અમ્મર માને છે તારું સ્થાન, આ સંસારમાં. જોબનનું જોર તારું ઝાઝું ના ચાલશે, ચાર દિવસનો તું મહેમાન, આ સંસારમાં. હે… કાળનાં તેડાં તો એવા અણધાર્યાં આવશે ને સૂનાં થાશે તારાં ઘર ને બાર, આ સંસારમાં. દુનિયામાં રહેશે તારા ઊજળા કરમના સંભારણા. કંચન જેવી કાયા તારી રાખ થવાની ને આખરનો એ જ છે અંજામ, આ સંસારમાં. હે… સંતો કહે છે હાલો ભક્તોની સાથમાં ને રખવાળા કરશે મારો શ્યામ, આ સંસારમાં. દુનિયામાં રહેશે તારા ઉજળા કરમનાં સંભારણા.