કૃષ્ણ ! ચરણે પડી

કૃષ્ણ ! ચરણે પડી, માગું ઘડી રે ઘડી, ભક્તિ આપો દયા કરી, દર્શન લાલ ! આપો. તમે સૌ લોકના છો વાસી, ભક્તો માટે થયા વજ્રવાસી, થાકી મથી રે મથી, માયા ટળતી નથી… ભક્તિ તમે રાસ તણા છો વિહારી, સખીઓના આનંદકારી; હું પદ ટળતું નથી, તમે મળતાં નથી… ભક્તિ તમે ગિરિ-ગોવર્ધનધારી, દાસીઓના ભય-હારી; સંસારભ્રમણા ભાંગો, દુર્ગણ મારા કાપો… ભક્તિ તમે અસુરોના સંહારી, ગોપી-હૃદયના વિહારી; અંતરવૃત્તિ આપો, દિવ્ય દૃષ્ટિ આપો… ભક્તિ આપો દૃષ્ટિમાં તેજ અનોખું, સારી સૃષ્ટને કૃષ્ણમય દેખું; મારા મનમાં વસો, આવી હૈયે હસો… શાંતિ આપો… ભક્તિ