આ જિંદગીના ચોપડામાં સરવાળો માંડજો

મનને મહેતાજી કરી કામે લગાડજો… આ જિંદગી આજ સુધી જીવ્યા છો કેટલું કેવું કેટલી કમાણી કરી કેટલું છે દેવું કાઢી સરવૈયું કોઇ સંતને બતાવજો… આ જિંદગી કેટલી સુધારી વૃત્તિ કેટલી બગાડી કયા પાટે ચાલી રહી જિંદગીની ગાડી પ્રભુ પંથ પામવાને પાટા બદલાવજો… આ જિંદગી જમા ઉધાર તણો કાઢજો તફાવત કેટલી પ્રભુના નામે કરી છે બનાવટ એક-એક પાનું ચિંતનથી ચકાસજો… આ જિંદગી કંઠી પહેરીને કંઠ કેટલાના કાપ્યા માળાના મણકામાં માધવને માપ્યા તિલકથી બુદ્ધિની શુદ્ધિ વધારજો… આ જિંદગી ગીતાની વાત કહો કેટલી પચાવી કેટલી કુટેવ કાઢી કેટલી બચાવી સ્વાધ્યાયથી જીવનને સુંદર બનાવજો… આ જિંદગી ભાવ અને ભક્તિમાં મસ્ત બની રાચજો એક એક ગામડે ગીતાને પહોંચાડજો કામ કરી દાદાના દિલને હલાવજો… આ જિંદગી